Act II Scene II : Deir mo chroí ar lúth-chrith

CEART

Deir mo chroí ar lúth-chrith go bhfuil sí ar fáil dom. Gléas an draoi mhór-chumhachtaigh seo féachfad ar an láthair.

(Ag tógáil an fháinne)

Léirigh do bhrí, a sheoid le h-éifeacht. Cuir le mo thaoibh stór mo chléibhe.

EITHNE

Trím' néal arís chonac an t-óglach. B'é a ghlór go fíor. Más tú an laoch gan smál do fuair trém' néal mo ghrá, ó, tar is saor mé!

Scaoil mé ón ngéibheann. Ná scar óm' chléibh arís go deo.

CEART

Más tú an stóir-bhean áigh lenar buadh mo mhóir-ghean, tráth, gearr uait do shaoradh anois ód' bhrón. Ó! tar a stóir mo chroí!

EITHNE

Ó! tar a stóir mo chroí!

EITHNE

Ó! tar a stóir mo chroí lem' shaoradh.

CEART

Gearr uait do shaoradh anois ód' bhrón.

EITHNE

Más tú an laoch gan smál do fuair trém' néal mo ghrá, ó, tar agus saor mé! Scaoil mé óm' ghéibheann. Ná scar óm' chléibh arís go deo.

CEART

Más tú an stóir-bhean áigh lenar buadh mo mhóir-ghean, tráth, gearr uait do shaoradh anois ód' bhrón.

EITHNE

Ó! Fan go deo lem' thaoibh, ní scarfad go h-éag óm' mhaoineach cáidh. Mochean mo leon groí, ní scarfam le chéile arís, ní scarfam arís go brách! Le fada fá bhrón do bhíos ag fanacht le stór mo chroí. Feasta ní baol dom brón.

CEART

Le mór-sheal fá bhrón do bhíos, tóraíocht mo stóir ghil chroí. Feasta leat bead go sóghach.