Istà, pt. 2

Ponte, Volta, te ve fin al Crocefisso

Te passi pa a Guissa, Bassanéo tuto isso

Co te torni indrìo passa pa Salboro

Strade basse a Rio, te rivi che xe oro

Te rivi che xe oro, ti te rivi che xe oro

Pa fare pi casìn nea marmita fasso un foro

No serve Uossapp, co i tosi te te cati

Casìn col motorin che pare na Ducati

16 anni do dea matina e face agre

Partivi in motorìn pa sercar un paro de sagre

Ma che monopatino, stasera no me pèteno

Te te cavàvi el casco che te parevi un scorfano

Te sè dove 'ndare perché i posti iera quei

So 'nda via co a testa ma go assà indrio i cavei

Col tenpo te te stenpi 'ncora prima che te cressi

Beo contare storie co te invéci e te ripensi

Sabo te ve in centro, piassa dee erbe piena

Tramezo al Nassionae pa tirare ora de sena

Tuti in mezo ae bae co te passi a Zanellato

Ti te entravi ae do, te vegnevi fora ae quatro

Sprisseti da Frenki, proprio queo del gheto

Te entravi co do schei e te 'ndavi fora neto

Se fazeva a gara de chi bevea de più

Te 'ndavi in motorin ma te tornavi casa in bus

Ponte, Volta, te ve fin al Crocefisso

Te passi pa a Guissa, Bassanéo tuto isso

Co te torni indrìo passa pa Salboro

Strade basse a Rio, te rivi che xe oro

Te rivi che xe oro, ti te rivi che xe oro

Pa fare pi casìn nea marmita fasso un foro

No serve Whatsapp, co i tosi te te cati

Casìn col motorin che pare na Ducati

Sabo pomerijo, motorini a mie giri

Padova xe a Stanga, OM sora el Biri

Parchejo al Boscheti, prima tapa e banche

Se vardava i breakers che se spacava e anche

Piassa dee erbe, i punk so e fontane

Metallari in via Roma, paninari al Master

Soto i porteghi del centro do passi e te te svaghi

Aea Standa o de a de a strada in libreria Draghi

Cossa xe sta porcaría? Farina, ovi e pan

Naltro laureà dentro a fontana del PAM

Sora na casséa un tissio fa un comissio

Serenissima televisione che ghe fa un servissio

Un salto al 23, dischi al presso bon

Me fermo al baréto, do tramezi col ton

Se magna un bocón, se beve sete bire

Montenegri, Jäger, chissá come a va finire

Ponte, Volta, te ve fin al Crocefisso

Te passi pa a Guissa, Bassanéo tuto isso

Co te torni indrìo passa pa Salboro

Strade basse a Rio, te rivi che xe oro

Te rivi che xe oro, ti te rivi che xe oro

Pa fare pi casìn nea marmita fasso un foro

No serve Whatsapp, co i tosi te te cati

Casìn col motorin che pare na Ducati

Pare na Ducati, filtro a cono Malossi

Tuti sti tosati tuti, in mono pa i fossi

Massa vibrassion che te vegnéva mae i ossi

Co xe ora de bevande i pare dei possi

30 motorini in te na conpagnia, pronti via

Vuto un motore? Te o dà me cugin sotovia

Carburatore ghe o ciàvo al tajaerba de me zia

Te rivi in centro col suono dea periferia

Go a poeia picoea, messa in moto a spinta

Na Proma a pegnatea, busi so a marmita

Polini, LeoVinci, Gianelli, RMS

Se riva tuti in centro sensa SMS

Desso manca e conpagnie, tosati e motorini

I pare inbaucá, musi sora i teéfonini

No i move mai na foja, i pare sensa voja

Servéi in salamoia e ogni roba paranoia

Ponte, Volta, te ve fin al Crocefisso

Te passi pa a Guissa, Bassanéo tuto isso

Co te torni indrìo passa pa Salboro

Strade basse a Rio, te rivi che xe oro

Te rivi che xe oro, ti te rivi che xe oro

Pa fare pi casìn nea marmita fasso un foro

No serve Whatsapp, co i tosi te te cati

Casìn col motorin che pare na Ducati

Ponte, Volta, te ve fin al Crocefisso

Te passi pa a Guissa, Bassanéo tuto isso

Co te torni indrìo passa pa Salboro

Strade basse a Rio, te rivi che xe oro

Te rivi che xe oro, ti te rivi che xe oro

Pa fare pi casìn nea marmita fasso un foro

No serve Whatsapp, co i tosi te te cati

Casìn col motorin che pare na Ducati