اتركي دموعك في البيت

اتركي دموعك بالبيت بنلاقي جديدة عالطريق

تسأليش وين رايحين تسأليش وين رايحين

لا شكلي شكل لندن ولا شكل باريس

احلى منهم احنا احلى منهم في كتير

شو صعبة اني اخود اخر نظرة

متذكرة لون عيوننا قبل ما تمحيها الدمعة

مش عارف كيف فاتو نهبو من عيونا اللمعة

فتحي عيونك عمري متأسف البلد مش نفسها

جبان مش خايف اعترف قلقان علينا

البلد بطل بلد لما فيش امان علينا

صعبان علي اتركها وانا غضبان عليها

مش ذنبها عمري حزنان عليها وعلينا

اعطيني شوي انحني وابوسها من الجبين

قبل ما اواجه خوفي ويا خوف وين رايحين

عم حاول احتوي قديش حب احنا تاركين

هالبلد اعطتني لحن لحن حزين

اتركي دموعك بالبيت وخدي الغضب معك

ممنوع ننسى، البلد الي والبلد الك

بنعاود نرجع لما يكون فينا شو نعطيها

واحنا فضينا، ببوس جبينها وبغنيلها