ولد يا ولد

*وَلَد يا وَلَد شو عْمِلْتِ بْهالبَلَد

*ما عادْ في اِحساس

*وْلُو شو هَالجَلَد كَسَحونا الجَرَد

*قَطَعوا كِلِّ الاَنفاس

-والنّاسْ أكَلوا النّاسْ ما عادْ في أساس

-وْلا عادْ في بَلَد

-وِالجارْ صارِ بْدار وْنِحنا بِآخِرْ دارْ

-مِنْدَوِّرْ عا سَنَدْ وَلَد يا وَلَد.

حْلِمْنا بِغِنِّيِّة قالوا في سَهْرِيِّة

وِالنّاسْ عَالطُّرْقات

أغاني ثَوْرِيِّة ما فيها حِنِّيِّة

مِلْياني آهاتْ

وْدَمْعَة مِنْ عِينَيّي عا خْدودِ الْوَرْدِيِّة

دِبْلاني الوَرْداتْ

ثَوْرَة هِي مِشْ ثَوْرَة سْهْرَة هِي مِشْ سَهْرَة

وِلْعاني السَّاحات

بْضَيْعِتْنا الهَنِــيِّة ما مْنِسْمَعْ خَبْرِيِّة

وْلا مْنِسْمَعْ عَنّاتْ

مَنْقُوشِة يَوْمِيِّي وِالقَهْوِة عَالصُّبْحِيِّة

يا جَنِّةِ الجَنّاتْ

وِالسَّهْرَة مِنْ عَشِيّي لا هَمُّ وْلا قَضِيِّة

وْرَقْصاتِ البَناتْ بِأحْلى السَّهْراتْ

عُمْرا وْمِيِّةْ عُمْرا مُرَّة العيشِة مُرَّة

عيشِتْنا الوَيْلاتْ آهاتُ وْنَهْداتْ