يابلدنا ياحلوة

يا بلدنا يا حلوة بالناس الحلوة

والناس الحلوة في بلدنا كتير

(يا بلدنا يا حلوة بالناس الحلوة)

(والناس الحلوة في بلدنا كتير)

في وشوش سمرا وجميلة تقابلهم تبتسم

أسوان والنوبة عيلة، صورة حلوة بتترسم

(المنيا، سوهاج، قنا، في القلب قريبين)

(الأقصر، أسيوط، بيوت)

بالجدعنة معروفين

(يا بلدنا يا حلوة بالناس الحلوة)

والناس الحلوة في بلدنا كتير

خدلك هنا أحلى صورة، منصورة بأهلها

دي محلّة جمالها حلّى الدنيا كلّها

(على راس البر روح واتفرّج على الجمال)

(أشمون واخدة العيون)

والقعدة هناك خيال

(يا بلدنا يا حلوة بالناس الحلوة)

(والناس الحلوة في بلدنا كتير)

الشرقية الأصيلة أهلي وبلد الكرم

قلبي على أرض سينا رفرف زي العلم

(وحشاني يا بورسعيد وإسماعلية كمان)

(يا سويس ده أنا اقول وأعيد)

عن أبطالك زمان

يا بلدنا يا حلوة بالناس الحلوة

والناس الحلوة في بلدنا كتير

(شبرا ومصر القديمة، ماري جرجس والحسين)

وكنيسة في وش جامع، في بلدنا العيد عيدين

(اطلع ع الأهرامات علشان حبّك يزيد)

هتعيشلك أحلى يوم، دي الفيوم مش بعيد

(صبّح ع اسكندرية، على ناسها وأهلها)

(أيام غالية عليا في العجمي وشطها)

(ما تروح مطروح كمان حبايبنا الطيبين)

شايف سحر المكان، هتلاقي ده كلّه فين

في بلدنا الحلوة بالناس الحلوة

والناس الحلوة في بلدنا كتير

(يا بلدنا يا حلوة بالناس الحلوة)

(والناس الحلوة في بلدنا كتير)

يا بلدنا يا حلوة بالناس الحلوة

والناس الحلوة في بلدنا كتير