بدايات (feat. Wd alzain)

بس غنى الوتر البيلهي

حس نغيمات الغلابة

هو البياخد من ملامحك

نغمة من طبلة وربابة

يصنعوا اللحن البيدوي

يجمعوا الأرض والسحابة

أخوك أسطورة

من ألغاز الدنيا المكتوبة

اولاد عرب لاعبين جوه بيت النوبة

في حرب المزيكا دائما الحروف مغلوبة

في الاخره بندخل الجنه في الدنيا البلد منكوبة

كائن سوداني البلد دي مرفعين

لسان مستعرب بدم الزنوج هجين

في العقول كلام في القلوب غبينة

أنوار الزينه جوه البيوت الحزينة

تم إختلاس مال الدولة من حراس الخزينة

ما هو دائما البقتلونا بكونو مننا وفينا

كلامي ما عميق الكلام حقيقي

في دستور العالم دائما المنبوذ افريقي

بدعوا لموتي عشان لسان اخوك فصيح

خلي بالك من اصحابك كلم ياهوذا اعتبر روحك مسيح

في يدي اليمين أقباط في يدي اليسار شلك

مع اولاد العرب مك مع الرطانه مانجلك

اربعمئة وسبعين قبيله فور إيڤر واكاندا

حاجيب قروش واعرس من بنات الزاندا

أجناس كتيرة زي النجوم في المجرة

احفاد كوش لا احفاد المقره

احفاد الفونج احفاد الفور

اي بقاره بنطلع لبن من تور

اي شفاته بنطلع سمك من خور

شاربين الاسلام شراب إثبات الهويه خلوة

لو داير رجاله ادخل السوق بنبيع الرجاله بالملوة

سكران طبيعي في خطواتي بترنح

خاشي التجاني الماحي راكب لي حصان مجنح

إدريس محمد جماع في عيون الدكتوره بسرح

برجع بكتب لي بار بخلي الكوكب إتصرمح

حاقدم روحي من جديد

انا جيل ديسمبر الببني في سودان جديد

نيقا

بكره الكسر مجبور من كسلا ل دارفور

يمى القلب مأسور في الضلمه راجي النور

اشتقنا ل غنى الحقيبة

نسمه من حضن الحبيبه

ابقوا الصمود دي ايام عصيبة

ابقوا الصمود دي ايام عصيبة

حنبني دوله من خراب

في الدنيا انتهت نتلاقى يوم الحساب

حافضل حي لما اخش تحت التراب

ملك سوداني منقوش في الهرم اواب

حاموت اسطوره يا ربي الذنوب مغفوره

أمورم كيف انشاء الله أمورم مستوره

العين اليمين فرحانه والشمال مقهوره

ضحكه شليقه في نص الدموع محشوره

راستا سان

All the way from Omdurman

Tell'm ya man

اخوك اسطووووره