Nto mundu cc'esti assai malvagità
È tristi dirlu ma è la verità
C'è troppu ignoranza supra a sta terra
Nto 2024 fannu ancora guerra
E non si sapi comu va a finiri
Sta guerra i troppi abusi e di potiri
Genti chi in santa paci non sa stari
E tuttu u mundu voli cumandari
Perdiru a vita già tanti innocenti
Genti civili chi no ccintra nenti
Aundi ancora i cchiu lu cori doli
Perdiru a vita puru li figghioli
La guerra porta sulu distruzioni
Chi terrorizza u mundu di l'umani
Mettitivi d'accordu tra nazioni
Cu intelligenza da boni cristiani
Na discussioni cci s'affrunta in dui
Siati leali e omini valenti
Va risulviti sulu tra di vui
Senza crijiari danni all'innocenti
Sarà per interessi o pe puntigghiu
Qualunqui cosa sia è nu grandi imbrogghiu
È ura di finiri stu scumpigghiu
Pe ccu s'ingrassa lu so portafogghiu
Ormai da guerra ogni carru armatu
Va lucidatu si è ben pulitu
Ma sulu espostu all'antiquariatu
È un epoca di un tempu già finitu
Già l'innocenti assai ci rrimettiru
E li so cori gridanu vendetta
Se lu nemicu ormai si veni a tiru
Immaginati chillu chi ss'aspetta
La guerra porta sulu distruzioni
Chi terrorizza u mundu di l'umani
Mettitivi d'accordu tra nazioni
Cu intelligenza da boni cristiani
Na discussioni cci s'affrunta in dui
Siati leali e omini valenti
Va risulviti sulu tra di vui
Senza crijiari danni all'innocenti
