再會練習曲 Tsài-huēLiān-sip̍-khik

第一擺咱欲講再會 你的雙手攬我攬牢牢 驚咱分開 驚我走 咧欲離開的門跤口 煞聽著你咧吼 彼當陣 你的世界佇咱兜 第二擺咱欲講再會 目箍紅紅我目屎含 驚你傷心 驚你吼 越頭離開的我 心肝頭酸酸 我知影 我的世界因爲你 感謝天公伯啊 予我行入你的世界 陪你寫一段 人生的歌 予你聽 予你聽 溫暖的歌仔頭 為你寫 毋免驚 毋免驚 人生的歌 鹹酸苦汫 聽家己心內的聲 慢慢仔行 我會行佇你後壁 恬恬仔聽 予你聽 予你聽 溫暖的歌仔頭 為你寫 毋免驚 毋免驚 人生的歌 鹹酸苦汫 聽家己心內的聲 慢慢仔行 我會行佇你後壁 恬恬仔聽 毋知是第幾擺咱欲講再會 你等袂赴欲共我Say goodbye 歡歡喜喜越頭行 只賰我一个人看你的背影 我知影 你的世界是你的 予你聽 予你聽 溫暖的歌仔頭 為你寫 毋免驚 毋免驚 人生的歌 鹹酸苦汫 聽家己心內的聲 慢慢仔行 我會行佇你後壁 恬恬仔聽 有一工咱會最後一擺講再會 我會繼續恬恬聽你唱歌 親像咱這馬仝款 逐工認真做伙 行一段 人生的路