فين انت ياترى

فين أنت يا ترى ؟ و الا عايش لمين

و سعيد يا هل ترى وياه و الا حزين

نفسي أتطمن عليك

ياللي قلبي في أيديك

رغم مرور السنين

فين أنت ياترى ! ! !

قالوا الزمان بينسي

 و أهو مانسانيش

أنا مش بعيش لنفسي

أكتر ما ليه بعيش

قلبي بطول الفراق لابطل اشتياق

و لا بطل ليك حنين

لكن إخلاصي ليك هو اللي رابطني بيك

رغم مرور السنين

فين أنت ياترى ! ! !

يا مهاجر من البلاد لكن من روحي لاة

حبك جوه الفؤاد باقي طول الحياة

بحلم بك بالنهار

و في وسط ناس كتار

بية مش داريانين

لسه نار الهوا

مش لاقيه لها دوا

رغم مرور السنين

فين أنت ياترى ! ! !