ادينى فرصه تانيه

اديني فرصة تانية

أثبت لك فيها حبي

علشان تعرف مشاعري

و قيمتك جوّه قلبي

إديني فرصة تانية

سيبك من اختلافنا مهما يكون الخلاف

خلّي المحبة تغلب على زعلاتنا الخفاف

ليه عايز يبقى رأيك يا هو يا الخصام

اسمع لرأيي قبلة و احكم بعد الكلام

و إديني فرصة تانية

اديني فرصة تانية و خلّي قلبك كبير

اشمعنى أنا يا حبي بدّيك فرص كتير

احنا اللي بينّا أكبر من أي قول عذول

و عشان سوء التفاهم بينّا لازم يزول

إديني فرصة تانية

اديني فرصة تانية و ابقى بعديها شوف

إيه اللي ح اعملهولك مهما تكون الظروف

عندي أحلام سعيدة نفسي أحققها ليك

ما تحلمهاش لروحك ياللي بروحي أفتديك

إديني فرصة تانية