كون انسان

شكراً على الجرح وعلى الخذلان

وشكراً على الضيقه وطاريهـــا

قبل تكون محب كون انسان

لاتكحـــل الفرحه وتعميهـــا

لاتكحـــل الفرحه وتعميهـــا

شرْهت معاذيرك على الهجران

وعيون حبـــك طاح غاليهـــا

علمني النسيان بالنسيـــان

لو عشرتك مانيب ناسيهـــا

فاز الحنين وتوّج الاحزان

وغيبتك غابت ضحكتي فيها

برد المشاعر يرهق الخلّان

خضر القلوب البيض يشقيهـــا

بالبوح واللوعـــات والكتمـــان

والهقوه اللي خاب هاقيهـــا

حتّ الطموح ويبّس الاغصان

ومواصلـــك ماعاد يرويهـــا

يوم المحبه سيلها هتـــان

تزهر على ضحتك امانيهـــا

نظرة عيونك تسقي العطشـــآن

تذبـــح معاليقـــي وتحييـــها

لو تبحر احلامي بلا عنـــوان

في شاطي عيونك مراسيهـــا

طارت بي الذكرى بلا جنحان

لين احتوت بيديني ايديهـــا

كن المطر لاصدّق الـــودّان

مجدب معاليقي يساقيهـــا

لو كان مايلهمني السلـــوان

ويجدد الذكرى وماضيهـــا

لو تزْعل الافراح ي الزعـــلان

نزعل لك الدنيا ونرضيهـــا

يضيع عمر انسآن ل اجل انسان

لا خانت العشره مباديهـــا