ลายพิณยังกินใจ

ผญา พี่น้องเอ้ย…อย่าสิไลลืมถิ่ม ลายพิณแผ่นดินเก่า ปู่ป๋าหลานลายเศร้า

ฝากให้เฮาคิดหวนแหน่

 ถิ่มผู้เฒ่าเฝ้าตะแคร่ ไกวอู่ดูหลาน พากันไปเฮ็ดงาน ต่างเมืองไกลบ้าน

 หวังเอาเหงื่ออาบหน้า แลกค่าจ้างหวังผล เพื่อหลีกหนีความจน สู้ทนอดไว้

 เก็บกำเงินไว้ใช้ ให้พ่อแม่สุขสบาย เผิ่นนั้นทุกข์ยากฮ้าย หน้าต่ำจำดิน

 สู้ทำนาหากิน แฮ่งหนี้สินบ่ทันใช้ มีแต่ความโชคฮ้าย เขาเว้าใส่แถมหย่อหยัน

 ขอเป็นแฮงผลักดัน ลูกอีสานอย่าได้ท้อ ขอแฮงใจเคียงข้างฝัน

 ฝากลายพิณ แว่วเสียงหวาน ให้ขับขานกู่ก้อง สิขับฮ้องแม่นสู่ฟัง...ซั่นดอกว่า

Hook แต๋ว แต๋ว แต่ง โตดติต่ง เสียงพิณลัดท่ง ยังคงกินใจ

 ยามคึดฮอดบ้าน ฟังเสียงพิณน้ำตาไหล

 เป็นที่พึ่งของคนไกล ปลอบใจเพื่อคลายเหงา

 ต๋อย ต๋อย ต่อง โตดติต่ง นกไซบินข้ามท่ง ดีดส่งให้เจ้า

 สิอยู่หม่องได๋ ในหัวใจกะคือเก่า

 เลือดอีสานในกายเรา หม่องได๋เศร้า เฮาพาม่วน

A1. ความจนพาเราจากบ้าน มาหาทำงาน รับจ้างแบกขน

 จะเหนื่อยเพียงไหน กะยังสู้ยังอดทน (ซ้ำ)

 สิหมานบ่พอได้ป่น บ่เคยบ่นให้ใครเห็น

A2. บางคนขับวินมอร์ไซด์ แท็กซี่กะหลาย อยู่ในห้างในเซเว่น

 แม่ค้าแม่ขาย โรงงานได๋กะเฮ็ดเป็น (ซ้ำ)

 ขายล็อตเตอรี่ ซุกรถเข็น ขายตำบักหุ่งและปิ้งไก่

B ลายพิณ ยังบ่สิ้นมนต์ขลัง เปิดให้ฟังดังๆ ส่งให้ทางออนไลน์

 แชร์ให้เจ้า แทนความห่วงใย แมงภู่ตอมดอกไม้ ลมพัดไผ่ ลมพัดพร้าว

ซ้ำ Hook.

A3. เดินทางมาอยู่แดนไกล สิอยู่หม่องได๋ เฮาสู้ไปบ่มีว่าง

 สิเป็นแม่บ้าน หรืองานนวดได้สู่อย่าง (ซ้ำ)

 เป็นพ่อครัว หรือเป็นช่าง เป็นเมียฝรั่งกะมักเอา

A4. ยามว่างกะไลน์หากัน พอสิแบ่งปัน หารือจาเว้า

 มีความสุขหลาย ได้พ้อหน้าคนบ้านเฮา (ซ้ำ)

 ซ่อยให้คลายความเศร้า ความเหงา ยามห่างไกล