انا المجروح وجروحي شنيعه
وقلبي زاد همه والتياعه
عشيرٍ باع وارخص في المبيعه
عقب ماكان مغلي في البضاعه
بكل انسان ظنيت الخديعه
ولاشكيت بك غش وخداعه
حسبت ان الوفاء فيكم طبيعه
وحبنا بيننا ما اخشى ضياعه
ونفسي عن هوى غيرك قنيعه
غنيه والغناه من القناعه
شراب السم اهون م القطيعه
ولابه شي اشين م القطاعه
عزيز النفس مايرخص ربيعه
يساوي به نزوله وارتفاعه
تخيرتك على العالم جميعه
ومافي الكون كله والجماعه
