على خبرك

على طاري المحبة والمفارق والوله والشوق ..

‏تمر بخاطري والصبرّ ينثر كل ما جمّعت

*تموت دموعي بعيني أخاف يشوفها مخلوق ..

‏شموخي مايطاوعني على الدمعة لو اني طعت

        

‏

‏*ينادوني و أنا ساكت وتايه كنّي لحالي..

‏ولاأبيهم يشوفوني يحسبوني أنكسرت وطحت

*الا يابري حالي يابعد كل الحلا والذوق..

انا ما عمري ارخصتك ولكن كيف منّي ضعت

       

رحلت وما باقي بي صبر..

   ذبحني الشوق بغيابك

على انغام المطر.. والحب

 يرميني على بابك

لوحدي والشتا لو عاد ..

برده موحش وقاسي

تعال ولملم جروحي ..

تعبت وفاض بي كاسي

وكنّا احباب .. لو كان الوله غلاب ..

وكنّا احباب .. لو ما للفراق اسباب ..

وفارقني وفارقته .. وفراقه ماتوقعته

ياليت الوقت يسعفني .. ويرجع كان ودعته

       

*احبك..ايه احبك ..وآتولّه للقا وآتوق..

وغايب وانت غايب واشهد اني بالغياب التعت

*على ماهزني شوقي لشوفك شوفني سالي..

واسولف وابتسم مرتاح لو في داخلي ما ارتحت

     

*تعطر من حنين

الذكريات وعهدها الموثوق..

وتلقاني على خبرك اصون العهد لو ودعت

يمر العمر وانت لحالك اللي ساكنن قلبي*

*وسرّن بدفنه في خافقي مهما جرى ما بحت

    

   

على جرح الغياب المرّ

سهر طرفي من اسبابك

ورصيف الحلم يطوي عمر

غير الحظ ما جابك

ومرّ العمر واحنا بعاااد

وصبرت وعشت متناسي

ولا بسمة ولا ميعاد ..

تعبت وضاقت انفاسي

وصرنا اغراب .. من قلب اللقا المنصاب

وليه اغراب .. مادام الهوى ماغاب

 انا حسّك وهمساتك .. وعطرك باقيه فيني

ولو فيني حبيبي من غيابك ما يكفيني