حبل خوفي

حـيـلـة اللي مـا لـقـى للضـيق حكي يعاتـبـه

وصكت الدنـيا بـعـيـنـه ومـا بقى فـيـديه شي

في يمينك حبل خوفي وفي يسارك صاحـبه

شِـدنـي من وين ماودك ، ولا تـرخي علي !!

قـلـبـي الـلـي كـل مـاسـويت فـيـني عـاجـبـه

من يـردك عـن حـلالـك ، وانا لك ، وماني لي

أسـاومـك كلي ببعضك وهذا عرضي جـايبه

ولـو بـعض بعضك بـكلي ،، والله إنه جــازلي

لك غـرامٍ لو نـثـرتـه ،،، بالفضا وكـواكـبه

القمر والشمس تـشرق مع بـعضها وتـختفي!

رتبـت عـمري لك وبس ،،، وكل شـيٍ حاسبه

وان قلت انا لك كل شي يعني ترى لك كل شي !!

وش هـو فـوزك وانتَ اصلا قـبـل تبدا كاسبه

ومـاتـمـوت إنـتَ بـأخـر قـصـتي لــو تـنـتهي

وش هـو نـورك وإنت نـورك يـوم ربــي راد بـه

خـلا في ظلك شموس وحتى في ظلماك ( ضيّ )