Aa Devara Haadidu (From "Appu")

ಆ ದೇವರ ಹಾಡಿದು

ನಮ್ಮಂತೆ ಎಂದೂ ಇರದು

ನಗುವಿರಲಿ, ಅಳುವಿರಲಿ

ಅವನಂತೆಯೇ ನಡೆವುದು

ಆ ದೇವರ ಹಾಡಿದು

ನಮ್ಮಂತೆ ಎಂದೂ ಇರದು

ನಗುವಿರಲಿ, ಅಳುವಿರಲಿ

ಅವನಂತೆಯೇ ನಡೆವುದು

ನೋವಲ್ಲೂ ನೂರು ಸುಖವುಂಟು ಇಲ್ಲಿ

ಸುಖದಲ್ಲೂ ನೂರು ನೋವುಂಟು ಇಲ್ಲಿ

ಈ ಕಾಲದ ಕೈಯಲ್ಲಿರೋ ಗಡಿಯಾರವೇ ನಾನು, ನೀನು

ನಡೆಸೋನದೇ ಕೊನೆಯ ಮಾತು

ಆ ದೇವರ ಹಾಡಿದು

ಅದು ಎಂದೋ ಬರೆದಾಗಿಹುದು

ಉಸಿರಿನಲೇ ಹೃದಯಗಳು

ಉಯ್ಯಾಲೆಯಾಗಿರುವುದು

ಕ್ಷಣಕೊಮ್ಮೆ ಸನಿಹ, ಕ್ಷಣಕೊಮ್ಮೆ ವಿರಹ

ಹಣೆ ಮೇಲೆ ಕುಳಿತ ಆ ವಿಧಿಯ ಬರಹ

ಈ ಭೂಮಿಯೇ ಸುರವೀಣೆಯು, ಸ್ವರತಂತಿಯೇ ನಾನು, ನೀನು

ನುಡಿಸೋನದೇ ಕೊನೆಯ ಹಾಡು

ಆ ದೇವರ ಹಾಡಿದು

ಅದು ಎಂದೂ ಬದಲಾಗದು

ಭರವಸೆಯೇ ಹೊಸ ಬೆಳಕು

ನಿಜ ಪ್ರೀತಿ ನಿಯಮ ಇದು

ಆ ದೇವರ ಹಾಡಿದು

ನಮ್ಮಂತೆ ಎಂದೂ ಇರದು

ನಗುವಿರಲಿ, ಅಳುವಿರಲಿ

ಅವನಂತೆಯೇ ನಡೆವುದು

ಅವನಂತೆಯೇ ನಡೆವುದು

ಅವನಂತೆಯೇ ನಡೆವುದು