Ээжээ дуулъя

Амиа хувааж намайг төрүүлсэн Ариухан сэтгэлтэй миний ээжийн Буян заяагаа үрсдээ хайрласан Бурхан ивээлтэй миний ээжийн Ээжийн хорвоод эргэж заяахгүй Ээж таныгаа хайрлан дуулъя Энэ л насаараа дуулж л явъя даа Үлэмжийн сайхан бүүвэйн дуугаа Үрдээ аялсан миний л ээжий Үргэлж биднээ хайраар ивээсэн Үүрдийн ганцхан наран ээж минь Ээжийн хорвоод эргэж заяахгүй Ээж таныгаа хайрлан дуулъя Энэ л насаараа дуулж л явъя даа Бүхнийг хайрлах уяхан сэтгэлтэй Буянтай буурал миний ээжийн Буцаад ирэхгүй холоо явсан ч Бодлоос уяатай бурхан ээж минь Ээжийн хорвоод эргэж заяахгүй Ээж таныгаа хайрлан дуулъя Энэ л насаараа дуулж л явъя даа Энэ л насаараа дуулж л явъя даа