مرض العظمة

(ماندو العالمي)

ما بعاتيش أنا غير روحي، دي غلطتي عشرتكوا

ومين فيكوا دوا جروحي، خلاص إنتهى وقتكوا

شارب مراري بالكيلو، بعبي في كاس أنا وبشرب

ده صاحبي في شدته بجيله، في شدتي أوام يهرب

بقدر ناس أونطة نكروا تقديري

ده عضوا إيدي يابا بسرعة نسوا خيري

بقلب في الدفاتر يلا هحاسبكوا

مفيش من تاني خاطر يلا هخسركوا

بحاسب نفسي على وقتي اللي معاكوا ضيعته

وهعمل إيه أنا في بختي ده جمعني بيكم إنتوا

حمدت ربي في فراقكوا وصليت ركعتين شكر

لحد كده كتر خيركوا، تعبتوني أنا من الفكر

طبيب طيب جراكوا بس شوف قدري

لا مش قسم جراحة، عاوزين البيطري

صحاب وقت المصالح وشايفكوا ضيوف

ما شوفتش حد صالح، كله جاي لكيوف

شابوة ليكم يا أصحابي يا أندل ما رأت عيني

تقولوا عني في غيابي وفي الوش وحشتني

تدوم الضحكة الزايفة على وشوشكم فيه بحر نفاق

وربنا إنتوا ناس هايفة على الغش دخلتوا سباق

عبيط اللي يفكر نفسه في بالي

ده وقت ما مشيتوا إتظبط حالي

ما ترجعوش تحكوا وتقولوا مني

شوفوا بقى طريقكوا وإبعدوا عني

بحضر على ماجستير في جامعة غل في نفوسكوا

وعامل ع البعاد كولدير، دي صدقة جارية على روحكوا

في مادة إسمها أونطة، ده قفلوا فيها المجموع

مفيش في الدنيا غير إنت هتنزل علشانه دموع

مرض العظمة داء وفي كل حتة إنتشر

في قمة الغباء اللي وصله البشر

مريض الصيت ملوش علاج ولا مصحة

ده هيموت العبيط لأجل يشوف إسمه في صفحة

سيبيني عادي إيه يعني وجودك من الأساس غلطة

ده حبك عمره ما نفعني وعمري بيكي يوم أرضى

هموت عليكي إيه يا بيئة ده أنا بشوفك أتنرفز

هقول ليكي أنا حقيقة فضلي شهر وأتجوز

سيبيني وشوفي حالك إنتي ليه غلسة

مقدملك حياتي تضيعي الفرصة

لو إنتي فاكرة إني في حزن لما أتساب

يا حلوة لا تعالي شوفي الواتساب

ده حمو الطيخا أفيونة وكل الناس دي تشهدله

المعبدي ده في الغنا يقول كله بيسمعله

ما بيعتمدش أي أسامي حمو الماجيك القلم الصعب

حوده ميلانو على الإنتاج، ده رشاش عالي وبيجلد

ده إسم عاملكم إزعاج، شركة ستورم ورلد

إدارة عالية بيضرب نووي، بجد إنت يا رجولة

أحلى إدارة أخويا مؤمن نبوي والمتألق أخويا بولا