يا شـوق أنا قلبي لهوف ... على الليالي المقبله
أخاف تطري لك ظروف ... واخاف حبّي تجهله
واخاف أنا عينك تشوف ... غيري وحسنك يذهله
واحـــد أنا ضمن الألوف ... منــك الوداد أتأمّلـه
الله اكبر يا الهنوف ... دمي لكـم مـن حلله
أنكرت لــي قلب شغوف ... وأصبح فؤادك يخذله
إن كان لك جدة صروف ... أنسى غرامي وأهمله
ما دام قلبك مــا يروف ... ما في المحبّه مشكله
خلّك على قلـبي عطوف ... منك الجفا ما أتحمّله
في داخلي شوقٍ وخوف ... طالع فؤادي واسأله
أرجوك يا عذب الوصوف ... قـلب الغلا لا تميّله
لا بدّ لحظاتك تطوف ... تنهي بحياتك مرحله
