I han es Räbeliechtli
Und has halt schüli gern
Es lüchtet ja vil heller
Als wie de schönschti Stern
Das Hus, dä Mond, die Sunne
Die hät mi Vatter gschnitzt
Es Schiffli und e Fahne
Und na mi Name zmitst
Wänns tunkel wird, so zie-ni
Uf d Strass und singe: juhe!
Händ ir scho öppis Schöners
Als so-n-es Liechtli gse?
Und brännt dänn s Cherzli abe
Und han-i müedi Bäi
So gani mit mim Liechtli
Ganz lisli wider häi
