მე ნისლებს შენზე ფიქრით გამოვყვები
ღიმილი მომენატრა შენი
სევდიანი სიმღერა გამახსენდა ძველი
სად მიაქვს ქარს ეს ჩემი მოგონება
ოცნება, რამ დაკარგა ფერი
გააყვავილა სიყვარული ჩვენი
მოვა შენი ხატება ლანდად, როდის
და თუ ცხადშიც არ გნახავ სიზმრებშიც მოდი
მე შენს ნახვას ვინატრებ, უშენობას ვინანებ
გული ვეღარ შეეჩვია ლოდინს
ვინ იცის მართლა აღარ მოხვალ
იქნება ყველაფერი გვიან
მენატრები, ამ ტკივილს უშენობა ქვია
წაიღო ნისლმა ჩემი მოგონება
ოცნებამ კვლავ დაკარგა ფერი
დაფარულა ლამაზი სიყვარული ჩვენი
მარტოობას რამდენი ფიქრი
ნაადრევი ზამთარიც ხომ მალე მოვა
მე შენს ნახვას ვინატრებ, უშენობას ვინანებ
დაიწყება უსასრულო თოვა
მარტოობას რამდენი ფიქრი
ნაადრევი ზამთარიც ხომ მალე მოვა
მე შენს ნახვას ვინატრებ, უშენობას ვინანებ
დაიწყება უსასრულო თოვა.
