In Retrospect: Lunar Calendar 2017.1.21

天暗暗 城市的燈火 陪伴孤身的人下班 跤步重重 按怎伊的眼神 空空 伊講 心破了一空 貯袂落新的事事項項 伊講 無啥物遺憾 只想欲 恬恬 天光了後照理講 又閣是新的一工 有人新的一工 就永遠停咧彼一工 誰攏知影生活有苦有甘 誰攏會曉講 好好保重 誰攏希望上稀微的時陣 毋通將伊的手放 是永遠的美夢啊 是閃閃爍爍 掛佇遠遠遐 是冬天手中 提著冰角看伊溶 肉會疼 是永遠的美夢啊 哪會愈倚愈近愈看袂清啊 望天頂的眾神明保庇啊 予艱苦的人 心有通好倚 心有通好倚 心有通好倚 日頭炎炎 鳥仔結群 毋知咧講啥 雲行了慢慢 花開了正紅 是你走的彼一工 哪會流目屎啊 哪會流目屎啊 哪會流目屎啊 哪會流目屎啊 是永遠的美夢啊 是閃閃爍爍 掛佇遠遠遐 是冬天手中 提著冰角看伊溶 肉會疼 是永遠的美夢啊 哪會愈倚愈近愈看袂清啊 望天頂的眾神明保庇啊 予艱苦的人 心有通好倚 心有通好倚 心有通好倚