Pecchè?

Canta ll'auciello dint' 'a casa antica

Addò primma cantave pure tu.

E sento pur' 'a voce 'e 'n'ata amica

Ca mme cunziglia 'e nun te penzà cchiù!

Carmè,

Si aggio lassato 'a mamma mia pe' tte,

Si t'hê pigliato 'a primma giuventù,

Pecché

Nun tuorne a me?

Mme pare ca è cagnata 'sta fenesta

'A dò vuttaste 'o primmo sciore a me.

E 'n'ata rosa, a dint'a 'n'ata testa

Mo mme cunziglia 'e nun penzà cchiù a te!

Carmè,

Si aggio lassato 'a mamma mia pe' tte,

Si t'hê pigliato 'a primma giuventù,

Pecché

Nun tuorne a me?

E passa 'a notte, passa 'o juorno e 'a sera,

Ma 'stu turmiento mio nun vò passà.

Passa pure 'sta luna ca è sincera

Si mme cunziglia sempe 'e te scurdà!

Carmè,

Si aggio lassato 'a mamma mia pe' tte,

Si t'hê pigliato 'a primma giuventù,

Pecché

Nun tuorne a me?