Ah-Cheng goes to Southeast Asia

年初二暗晡介伙房 親親戚戚散散淨淨 早有冇曬穀介禾埕 曬著臭餿介寂目 轉點時硬硬睡毋落 阿成頓頓吭起來 聽溝唇荒核介田丘 蛤蟆蠟拐鬧相親 想童年像紙鷂斷線 爺哀的愁念是齧心肝 打燈探路火焰蟲 外背把戲是撮賴種 冇成時代轉過臺 有妹莫嫁都市外 火焰蟲 屎胐緊攝指點奔挨謄 頂高孫叔看破農業下南洋 佢講社會看衰耕田郎 屙屎毋出毋使來怨屎坑 聽挨奉勸毋會增差孫叔講 南洋苦底客莊好結親 汝這八字連到第向人 就係先生教喂負負得正 加射過冇按多好計較 過冇按多撇劃好計較 汝系討到 年初二來轉妹家 就準睹好出國來去渡假 田丘放閒時交春 爺哀望愛討又願子孫 標一龐會仔又下定存 阿成決志下南洋 阿成佢決志飄洋過海討哺娘