Paroles
[Chorus]
إذا شفت الزمان مقفي بعينه نية التجريح
رهنت النفس للعليا الين تموت مرهونة
ترى خير الكلام الذكر وأشرف مفردة تسبيح
ودنيتنا قصيدة وأعتقد ماهي بموزونة
[Verse 1]
يطيح المزن لكن السحابة ثابتة ما تطيح
مثل مداتنا لامن عطينا جات مضمونة
وأنا ماني بطير صاده القناص بالتلويح
أنا طير على الغيمة يحوم ولونها لونه
[Verse 2]
من التلميح ما يكفي عن الشرح ومن التلميح
ما يجرح لي زوايا خافقي ويحطم ركونه
قصيدي كان ما بكى السحاب ولا استثار الشيح
يمين الله لأطبع بنات الفكر من دونه
[Verse 3]
أعسف القاف للمعنى مثل عسفي ببنات الريح
وتجي قافي مثل شيخ بني عمه يحشمونه
أنا أعشق بكل إحساس لكن مستحيل أصيح
أنا لي هامة عيت تطيع الذل مجنونة
[Verse 4]
إذا شفت الزمان مقفي بعينه نية التجريح
رهنت النفس للعليا الين تموت مرهونة
ترى خير الكلام الذكر وأشرف مفردة تسبيح
ودنيتنا قصيدة وأعتقد ماهي بموزونة
[Verse 5]
أنا سدي حفظ سر الكلام ولا أحب ابيح
وعذالي تعرف ايش قيمتي في روح مغبونة
عجزت أداوي آهات الشعوب وفكرة التسليح
وإذا جيت أشعل أهرام الظلام يموت فرعونه
[Verse 6]
وإذا عيا على الظامي نهر دجلة وعين السيح
من يلوم الحزين ليا انتثر دمعه من عيونه
أبا اشبح دام ما يقبل ميول الفكرة التصحيح
وأبا أرقى للنجوم الي ت*ا موتي على هونه
[Verse 7]
ترى طعن الظهر غادر ولا يحتاج له تصريح
ولدغات الحنش تقتل وخص إن جات مدفونة
يقال إن الأساطير القديمة ما نبي تنقيح
وسنون سممت تقتل ولو ماهي بمسنونه
[Verse 8]
أنا ما خفت من برد الضلوع وقسوة التبريح
أنا ألفظ كل زفرات الغلا واللي تعرفونه
أنا أخاف أنثر بيوت القصايد في مهب الريح
وأجرح مهجة الإحساس والقيفان ملعونة
[Chorus]
إذا جاك الزمان مقفي بعينه نية التجريح
رهنت النفس للعليا الين تموت مرهونة
ترى خير الكلام الذكر وأشرف مفردة تسبيح
ودنيتنا قصيدة وأعتقد ماهي بموزونة
Written by: حسين الجسمي
