ผู้สาวมักเว้าผู้บ่าวขี้คุย

(ดอกอ้อ) อ้ายศร อ้ายศรสิฟ้าวไปไส

ให้อ้อคุยนำจักคราวได้บ่

(ศร) คุยเรื่องหยังน้อเว้ามาไวไว

คนแห่งฟ้าวอยู่ ธุรกิจพันล้านถ่าอ้ายอยู่พุ้นนะ

(ดอกอ้อ) คืออ้อซื้อโทรศัพท์มาใหม่

ราคาตั้งเป็นแสนพุ้นนะ แต่ใช้แล้วมันบ่จ๊วดบ่จ๊าด

มีรุ่นดีดี ราคาแพงแพงบ่อ้ายศร

(ศร) ป๊าดโธ่ไสมาเบิ่งดู มันสิซ่ำใด๋เดี๋ยวเนี้ย

(ดอกอ้อ) วันนี้มีเรื่องปรึกษา วันนี้มีเรื่องปรึกษา

ซื้อมือถือมาราคาแป็นแสน เอาไว้ฮัลโหลหาแฟน

แฟนน้องไปอยู่เจแปน เดือนละสองแสนพุ้นเด้ะค่าโทร

บ่ได้คุยโม้แต่ขอปรึกษา อ้ายศรคิดว่าค่าโทรถืกบ่...

(ศร) ฮึ่ย...รวยปานนั่น คือบ่ขี่เครื่องบินไปหากันโลด

สิมันโทรมันยากกะด้อกะเดี้ยกัน ฮึ่ย...

อ้ายก็มีเรื่องปรึกษา อ้ายก็เริ่มมีปัญหา

แฟนเป็นนางฟ้าอยู่บนสวรรค์

เวลาที่คิดฮอดกัน บ่ได้ติดต่อสื่อสาร

มีเงินสิบล้านอยากซื้อเครื่องใหม่

สิไปซื้อไสบอกอ้ายได้บ่ ไปซื้อกับไผบอกอ้ายได้บ่...

(ดอกอ้อ) ไปซื้อนำสตีฟจอบส์ตี้ล่ะ...อ้ายศร

(ศร) บ้าบ้อ สตีฟจอบส์เราเซาขายมือถือพอแฮงแล้ว

(ดอกอ้อ) เลาขายหยังซั่นนะ

(ศร) ขายถ่าน

(ดอกอ้อ) ฮึ่ย...เว้าไปเลยเลย

(ศร) เอาจักสอบบ่

(ดอกอ้อ) แบ่งเคิ่งตี้หละอ้ายศร

(ศร) ฮ่วย...

(ดอกอ้อ) มือถือเครื่องใหม่ ใครใครก็ว่าสวยดี

(ศร) เมื่อวานอ้ายซื้อแจกฟรี ราคาแค่นี้ยังโม้อยู่ได้

(ดอกอ้อ) แค่นี้จั่งใด๋ น้องซื้อเครื่องใหม่มาตั้งแสนปลาย

(ศร) เงินแสนอย่าคุยกับอ้าย ต้องล้านขึ้นไปอ้ายจั่งโอเค...

(ดอกอ้อ) ซำพอล่ะเนาะ

(ศร) ซำพออิหยังบอกมา

(ดอกอ้อ) ซำพอหัวล้านจักหน่อย

(ศร) เขาเอิ้นล้านมีเสน่ห์ ฮู้จักแหน่ อย่าสะปึกหลาย

(ดอกอ้อ) มีเรื่องอยากเล่าสู่ฟัง มีเรื่องอยากคุยให้ฟัง

เมื่อวานเดินห้างโลตัสบิ๊กซี จ่ายไปหนึ่งล้านพอดี

วันนี้จะไปจ้างดนตรี หาวงดีดีมางันเล้าไก่

วงเบิร์ดธงไชยอ้ายฮู้จักบ่ ราคาท่อใด๋อ้ายพอฮู้บ่

(ดอกอ้อ) ว่าสิให้มาเล่นจักชั่วโมง พอเป็นพิธี

ว่างสามล้านเพิ่นสิมาบ่น้อ

(ศร) คิดเบิ่งก่อนเด้อ หางเครื่องห้าร้อย

คอนวอยนับบ่ถ้วน รถอีกร้อยคันสิพอบ่บุ

(ศร) ทำทีมาถามมาส่อส่อ ทำทีมาถามมาส่อส่อ

แมนมีเรื่องหยังน้อ จั่งยิ้มน้อยยิ้มใหญ่

(ดอกอ้อ) ว่าสิยืมมือถือมาโทรซั่นดอกอ้าย เงินน้องแมนบ่มี

(ศร) อ้ายกะเหมิดพอดี โทรไปหว่างหั่น

สิยืมเจ้าคือกันซั่นเด้อ้อ ซั่นเด้อ้อ...

(ศร) ไสมือถือราคาเป็นแสน ให้อ้ายเบิ่งก่อนดู

(ดอกอ้อ) นี้เด้มือถืออ้อ

(ศร) เอารุ่นใด๋คือได้ใช้ยางฮัดไว้นั่นนะ

(ดอกอ้อ) ของอ้ายศรรุ่นใด๋ซั่น

(ศร) รุ่นยางฮัดไว้คือกันหละ

(ดอกอ้อ) ฮึ่ย...ความคุยอยู่เทิงฟ้าพุ้น

(ศร) บ่ได้คุย เว้าใหญ่เล่นซื่อซื่อ

(ดอกอ้อ) มีเรื่องอยากเล่าสู่ฟัง มีเรื่องอยากคุยให้ฟัง

เมื่อวานเดินห้างโลตัสบิ๊กซี จ่ายไปหนึ่งล้านพอดี

วันนี้จะไปจ้างดนตรี หาวงดีดีมางันเล้าไก่

วงเบิร์ดธงไชยอ้ายฮู้จักบ่ ราคาท่อใด๋อ้ายพอฮู้บ่

(ดอกอ้อ) ว่าสิให้มาเล่นจักชั่วโมง พอเป็นพิธี

ว่างสามล้านเพิ่นสิมาบ่น้อ

(ศร) คิดเบิ่งก่อนเด้อ หางเครื่องห้าร้อย

คอนวอยนับบ่ถ้วน รถอีกร้อยคันสิพอบ่บุ

(ศร) ทำทีมาถามมาส่อส่อ ทำทีมาถามมาส่อส่อ

แมนมีเรื่องหยังน้อ จั่งยิ้มน้อยยิ้มใหญ่

(ดอกอ้อ) ว่าสิยืมมือถือมาโทรซั่นดอกอ้าย เงินน้องแมนบ่มี

(ศร) อ้ายกะเหมิดพอดี โทรไปหว่างหั่น

สิยืมเจ้าคือกันซั่นเด้อ้อ ซั่นเด้อ้อ...

(ศร) มามามือถือมา อ้ายยืมโทรจักบาดเบิ่งหนา

(ดอกอ้อ) เอากะยังว่าเงินเบิ๊ดเนาะ

(ศร) คือว่ารวยคักแท้ซั่น หว่างนึงหั่น

(ดอกอ้อ) อ้ายศรกะขี่คุยคือกันนั่นหละ

(ศร) โอ่บัดใด๋แท้เฮากะมุดน้ำมาพ้อกันเนาะอ้อเนาะ

(ดอกอ้อ) จ้า...